शरद् ऋतुमा हिमाल आरोहणका लागि ७१ देशका १ हजार ९८ आरोहीलाई अनुमति

शरद् ऋतुमा नेपालका ३१ हिमाल आरोहणका लागि ७१ देशका १ हजार ९८ जना आरोहीले अनुमति लिएका छन्।

पर्यटन विभागका अनुसार सन् २०२६ को शरद् ऋतुमा नेपालका विभिन्न हिमाल आरोहणका लागि १३० टोलीले अनुमति लिएका छन्। ती टोलीमा ७१ देशका आरोही सहभागी छन्।

आरोहण अनुमतिबापत सरकारले यस ऋतुमा २८ करोड रुपैयाँभन्दा बढी रोयल्टी सङ्कलन गरेको छ।

शरद् ऋतुलाई वसन्त ऋतुपछि हिमाल आरोहणको अर्को प्रमुख मौसमका रूपमा लिइन्छ। विभागले यो विवरण असोज २८ गते सार्वजनिक गरेको हो।