राष्ट्रिय तीज म्युजिक अवार्ड सम्पन्न, गायक मोतिराज खनाल सम्मानित

काठमाडौँमा चौथो विशाल राष्ट्रिय तीज म्युजिक अवार्ड–२०८३ सम्पन्न भएको छ, जसमा लोकगायक मोतिराज खनालसहित विभिन्न कलाकार सम्मानित भएका छन्। अनामनगरस्थित स्वर्गीय कल्पना गैरे स्मृति फाउन्डेसन नेपालले अवार्डसँगै राष्ट्रिय नारी स्रष्टा सम्मान कार्यक्रम पनि आयोजना गरेको छ। सांसद साजिदा सिद्धिकी प्रमुख अतिथि रहेको कार्यक्रमको अध्यक्षता संस्थाका अध्यक्ष एवं गायक तथा सर्जक हुम गैरेले गरेका थिए।

संस्थाका उपाध्यक्ष एवं गायक धिरज खत्रीका अनुसार तीज गीतका करिब डेढ दर्जन विधामा उत्कृष्ट कलाकार र सर्जकलाई अवार्ड दिइएको छ। वरिष्ठ लोकगायिका शिला आले, वरिष्ठ चरित्र अभिनेत्री रश्मी भट्ट, गायिका देवी हमाललगायत करिब एक दर्जन कलाकारलाई सम्मान गरिएको छ। लोकगायिका बिमला सुनार, मोडल–निर्देशक लिलाराज बानियाँ, बिजेन्द्र नौबागे र प्रदीपकुमार रसाइली पनि सम्मानित हुनेमा परेका छन्।

सबैभन्दा बढी मत पाउने गायकमा सन्तोष परियार परेका छन्।