मतदाता नामावली अद्यावधिक गर्न निर्वाचन आयोग र पञ्जीकरण विभागबीच समझदारी

मतदाता नामावलीलाई थप शुद्ध, विश्वसनीय र व्यवस्थित बनाउन निर्वाचन आयोग र राष्ट्रिय परिचयपत्र तथा पञ्जीकरण विभागबीच समझदारीपत्रमा हस्ताक्षर भएको छ।

समझदारीअनुसार विभागले आफू मातहतको व्यक्तिगत घटना दर्ता तथा सामाजिक सुरक्षा व्यवस्थापन सूचना प्रणालीका विवरण आयोगलाई दिनेछ। यी विवरण मतदाता नामावली अद्यावधिक गर्न र विवरण प्रमाणीकरण गर्न प्रयोग हुनेछन्।

मतदाता नामावली अद्यावधिक र प्रमाणीकरणको कामलाई सहज, व्यवस्थित र प्रभावकारी बनाउन दुई निकायबीच यो समझदारी भएको हो।