भूमिगत विद्युत् प्रणाली सञ्चालनका लागि काठमाडौँका विभिन्न ठाउँमा १२ दिन बिजुली कटौती

भूमिगत विद्युत् वितरण प्रणाली सञ्चालनमा ल्याउन नेपाल विद्युत् प्राधिकरणले असोज १५ गतेदेखि २६ गतेसम्म काठमाडौँका विभिन्न क्षेत्रमा तालिकाअनुसार बिजुली कटौती गर्ने भएको छ। कुलेश्वर, बानेश्वर, जोरपाटी र कीर्तिपुर वितरण केन्द्रअन्तर्गतका क्षेत्रमा बिहान १० बजेदेखि दिउँसो ३ बजेसम्म आपूर्ति बन्द हुनेछ। आगामी हिउँदको माग व्यवस्थापनका लागि आवश्यक प्राविधिक काम पनि सँगै गरिने प्राधिकरणले जनाएको छ।

तालिकाअनुसार असोज १५ मा सतुंगल–बौथली, १६ मा मच्छेगाउँ–दोभान चोक र खुसी चोक, १७ मा मुलपानी र १८ मा गुर्जुधारा क्षेत्रमा बिजुली काटिनेछ। असोज २० मा फेरि मुलपानी, २१ मा बलम्बु, २२ मा कोटेश्वर–बालकुमारी र २४ मा सिफल क्षेत्रमा कटौती हुनेछ। असोज २५ मा सतुंगल–धौलागिरि आवास क्षेत्र र २६ मा धोबीखोला क्षेत्रमा काम गरिनेछ।

मौसम प्रतिकूल भएमा तोकिएको कटौती नगरिने प्राधिकरणले उल्लेख गरेको छ।