बाढीले सडक बगाएको ४४ दिनपछि रसुवा र नुवाकोट जोड्ने तुइन सञ्चालनमा

भोटेकोशी बाढीका कारण सडक सञ्जाल अवरुद्ध भएको ४४ दिनपछि रसुवा र नुवाकोट जोड्ने गरी तुइन सञ्चालनमा ल्याइएको छ।

रसुवाको उत्तरगया गाउँपालिकास्थित पैरेबेँसीबाट नुवाकोटको किस्पाङ गाउँपालिकाको शान्तिबजार जोड्ने गरी आजदेखि तुइन सञ्चालन गरिएको हो। उत्तरगया गाउँपालिकाका स्थानीयवासीको आवतजावत सहज बनाउन तुइन सञ्चालनमा ल्याइएको जनाइएको छ।

गत भदौ १० गते भोटेकोशी नदीमा आएको बाढीले यस क्षेत्रको सडक सञ्जाल अवरुद्ध भएको थियो। बाढीपछि स्थानीयको आवतजावतमा समस्या हुँदै आएको थियो।