काठमाडौंको बुढानीलकण्ठबाट २२ केजी सुन बरामद, केही व्यक्ति पक्राउ

प्रहरीले काठमाडौंको बुढानीलकण्ठबाट ठूलो परिमाणमा सुन बरामद गरेको छ। सुनसहित केही व्यक्ति पनि पक्राउ परेका छन्।

प्रहरी उच्च स्रोतलाई उद्धृत गर्दै रातोपाटीले बुढानीलकण्ठस्थित चपलीबाट उपत्यका अपराध अनुसन्धान कार्यालयको टोलीले २२ केजी सुन बरामद गरेको जनाएको छ। अनलाइनखबरले भने बरामद सुनको परिमाण २१ किलो उल्लेख गरेको छ।

पक्राउ परेकाहरूको संख्या र पहिचान तथा सुन कहाँबाट ल्याइएको थियो भन्नेबारे प्रहरीले आधिकारिक विवरण सार्वजनिक गरिसकेको छैन।