बेलायतको ‘क्याम्ब्रियन पट्रोल २०२६’ मा नेपाली सेनालाई लगातार तेस्रो वर्ष स्वर्ण पदक

नेपाली सेनाले बेलायतमा सम्पन्न अन्तर्राष्ट्रिय सैनिक अभ्यास ‘एक्सरसाइज क्याम्ब्रियन पट्रोल २०२६’ मा स्वर्ण पदक जितेको छ। यो अभ्यास बेलायतको वेल्सस्थित ब्रेकनमा भएको थियो।

यो गस्ती अभ्यासमा ३५ राष्ट्रका १३० वटा अन्तर्राष्ट्रिय टोली सहभागी थिए। ती टोलीमध्येबाट नेपाली सेनाले स्वर्ण पदक हासिल गरेको हो।

यो प्रतियोगितामा नेपाली सेनाले स्वर्ण पदक जितेको यो लगातार तेस्रो वर्ष हो। यसअघिका दुई वर्ष पनि नेपाली सेनाले यही अभ्यासमा स्वर्ण पदक हासिल गरेको थियो।

‘क्याम्ब्रियन पट्रोल’ बेलायतमा हुने अन्तर्राष्ट्रिय सैनिक गस्ती अभ्यास हो। यसमा विभिन्न देशका सैनिक टोली सहभागी हुन्छन्।