अमेरिका–इरान वार्तापछि तेलको मूल्य ओरालो, डिजेल निर्यात प्रतिबन्धको चर्चा

अमेरिका र इरानका प्रतिनिधिबीच संयुक्त राष्ट्रसङ्घमा भएको वार्तापछि अन्तर्राष्ट्रिय बजारमा कच्चा तेलको मूल्य घटेको छ। एसियाली बजारको प्रारम्भिक कारोबारमा अन्तर्राष्ट्रिय बेन्चमार्क ब्रेन्ट क्रुड प्रतिब्यारेल ९८ दशमलव ९१ अमेरिकी डलरमा झरेको छ। अमेरिकी कच्चा तेलको प्रमुख बेन्चमार्क वेस्ट टेक्सास इन्टरमिडिएट प्रतिब्यारेल ८९ दशमलव ९३ डलरमा ओर्लेको छ।

युक्रेनी राष्ट्रपति भोलोदिमिर जेलेन्स्कीसँगको भेटका क्रममा अमेरिकी राष्ट्रपति डोनाल्ड ट्रम्पले दुई पक्षबीच भएको करिब तीन घण्टा लामो बैठक ‘धेरै राम्रो’ र अत्यन्तै फलदायी भएको बताउनुभएको छ। यसैबीच ट्रम्प प्रशासनले घरेलु बजारमा बढेको इन्धन मूल्य नियन्त्रण गर्न डिजेल निर्यातमा पूर्ण प्रतिबन्ध लगाउने विकल्पमाथि गृहकार्य सुरु गरेको छ। आगामी नोभेम्बरमा हुने मध्यावधि निर्वाचन नजिकिँदै गर्दा अमेरिकाभित्र डिजेलको खुद्रा मूल्य प्रतिग्यालन ७ डलरको कीर्तिमानी उचाइमा पुगेको छ।

ठूलो आपूर्तिकर्ता मानिने अमेरिका बजारबाट एकाएक बाहिरिए युद्ध र आपूर्ति अवरोधका कारण पहिले नै दबाबमा रहेको अन्तर्राष्ट्रिय ऊर्जा बजारमा थप धक्का पर्ने जोखिम औंल्याइएको छ।