बाढीपहिरोले अवरुद्ध एनटीसीका १३० साइट अझै बन्द, शीघ्र सञ्चालन गर्न सञ्चारमन्त्रीको निर्देशन

सूचना तथा सञ्चारमन्त्री डा. विक्रम तिमिल्सिनाले बाढी तथा पहिरोका कारण अवरुद्ध नेपाल टेलिकमको दूरसञ्चार सेवा शीघ्र पुनःसञ्चालनमा ल्याउन निर्देशन दिएका छन्।

बाढी र पहिरोबाट अवरुद्ध नेपाल टेलिकमका १३० साइट अझै सञ्चालनमा आएका छैनन्। यिनै साइटबाट हुने सेवा छिटो सुचारु गर्न मन्त्री तिमिल्सिनाले निर्देशन दिएका हुन्।

पछिल्ला दिनको बाढी र पहिरोले प्रभावित क्षेत्रमा दूरसञ्चार सेवा अवरुद्ध हुँदा सेवाग्राहीलाई समस्या परेको छ। मन्त्री तिमिल्सिनाले अवरुद्ध सेवा चाँडो पुनःसञ्चालनमा ल्याउन सम्बन्धित निकायलाई भनेका छन्।