पहाड–हिमालमा बदली, केही स्थानमा मध्यम वर्षा, तराईमा बिहान हुस्सु

जल तथा मौसम विज्ञान विभागका अनुसार आज कोशी र बागमतीका हिमाली र पहाडी भू-भागमा सामान्यतया बदली रहनेछ। गण्डकी, लुम्बिनी, कर्णाली र सुदूरपश्चिमका हिमाली र पहाडी क्षेत्र तथा देशभरको तराईमा आंशिक बदली रहनेछ। कोशी, बागमती र गण्डकीका पहाडी र तराई क्षेत्रका एक-दुई ठाउँमा आज मध्यम वर्षा हुन सक्छ।

तराईमा बिहानपख हुस्सु लाग्ने विभागले जनाएको छ। कर्णाली, सुदूरपश्चिम तथा गण्डकी र लुम्बिनीको पश्चिमी भागमा पश्चिमी वायु र बाँकी भू-भागमा मनसुनी वायुको आंशिक प्रभाव छ। भोलि कोशी, बागमती, गण्डकी र लुम्बिनीका हिमाली र पहाडी क्षेत्रका थोरै स्थानमा मध्यम वर्षा वा हिमपात हुन सक्छ।

कर्णाली र सुदूरपश्चिमका उच्च भू-भागका एक-दुई स्थानमा पनि भोलि मध्यम वर्षा वा हिमपातको सम्भावना छ। ती चार प्रदेशका तराईका एक-दुई ठाउँमा भोलि हल्का वर्षा हुन सक्छ। सहरगत पूर्वानुमान अनुसार काठमाडौँमा तापक्रम १९ देखि २१ डिग्री सेल्सियस रहने र मेघगर्जनसहित हल्का वर्षाको २० प्रतिशत सम्भावना छ।

पोखरामा २२ देखि २४ डिग्री तापक्रम र ३० प्रतिशत वर्षाको सम्भावना छ। विराटनगरमा २३ देखि २५ डिग्री तापक्रमसँगै वर्षाको सम्भावना २० प्रतिशत छ। जनकपुरमा २४ देखि २६ डिग्री र नेपालगञ्जमा २३ देखि २५ डिग्री तापक्रम रहने तथा बिहान हुस्सु लाग्ने अनुमान छ।

वीरेन्द्रनगरमा २० देखि २२ डिग्री तापक्रमसहित आंशिक बदली रहने र वर्षाको सम्भावना नरहेको विभागले जनाएको छ।