उखु किसानलाई सरकारले १ अर्ब ५० करोड रुपैयाँभन्दा बढी अनुदान दिने

कृषि, वन तथा पर्यावरण मन्त्रालयले उखु किसानलाई १ अर्ब ५० करोड रुपैयाँभन्दा बढी अनुदान रकम वितरण गर्ने भएको छ। उखु उत्पादक किसानलाई प्रोत्साहनस्वरूप यो अनुदान उपलब्ध गराइने हो।

आर्थिक वर्ष २०८३/८४ मा निकासा भएको १ अर्ब ५० करोड ५० हजार रुपैयाँ अनुदान बर्दिया, रौतहट, कैलाली, कञ्चनपुरलगायत विभिन्न जिल्लाका उखु किसानलाई वितरण गरिनेछ।

मन्त्रालयले उखु उत्पादनमा संलग्न किसानलाई प्रोत्साहन गर्ने उद्देश्यले यो रकम वितरण गर्न लागेको जनाएको छ।