कोशीका पहाडी सडक अवरुद्ध, ओखलढुंगामा विद्यालय भवनमा पहिरो, अरुण तेस्रोको बाँध निर्माण रोकियो

कोशी प्रदेशका पहाडी जिल्लामा लगातारको वर्षाले बाढी र पहिरो जाँदा लोकमार्ग र भित्री सडक अवरुद्ध भएका छन्। प्रदेश प्रहरीका अनुसार इलाम, पाँचथर, ताप्लेजुङ, तेह्रथुम र सोलुखुम्बुका धेरै सडकखण्डमा यातायात ठप्प छ। सम्भावित दुर्घटना घटाउन प्रहरीले प्रदेशका ७ पहाडी जिल्लामा रातिको समयमा सवारी चलाउन रोक लगाएको छ। ओखलढुंगाको खिजीदेम्बा गाउँपालिका–५ मा पहिरोले फूलमति माध्यमिक विद्यालयको भवनमा क्षति पुर्‍याएको छ। सङ्खुवासभामा अरुण नदीको बहाव बढेपछि अरुण तेस्रो आयोजनाको बाँध निर्माण रोकिएको छ।