दसैँमा आन्तरिक हवाई टिकट सस्तो हुने

दसैँ र तिहारमा घर जानेका लागि आन्तरिक उडानको टिकट सस्तो हुने भएको छ। चाडपर्वको मौकामा भाडा बढाइएको गुनासोपछि प्रधानमन्त्री बालेन्द्र शाहले यसमा चासो देखाउँदै निर्देशन दिएका छन्। पर्यटनमन्त्री खडकराज पौडेलको पहलमा नेपाल नागरिक उड्डयन प्राधिकरणले बिहीबार वायुसेवा कम्पनीका प्रतिनिधिसँग छलफल गरेको छ।

त्यसपछि कम्पनीहरू स्वीकृत अधिकतम दरभन्दा कम मूल्यमा टिकट बेच्न राजी भएका छन्। श्री एयरलाइन्सले काठमाडौँबाहिर जाने उडानमा महँगो वर्गको भाडा बन्द गरेको जनाएको छ। बुद्ध एयरले आफू न्यूनतम दरमै टिकट बेचिरहेको र धेरैजसो दिनका उडान भरिइसकेको बताएको छ।

एआईबाट बनाइएका नक्कली स्क्रिनसटमार्फत भाडाबारे भ्रम फैलाइएको भन्दै कम्पनीले सचेत रहन आग्रह पनि गरेको छ।