सशस्त्र प्रहरीका एसपीसँग विवादपछि गड्डाचौकीका भन्सार अधिकृत जिम्मेवारीबाट हटाइए

भन्सार विभागले कञ्चनपुर भन्सार कार्यालय गड्डाचौकीका भन्सार अधिकृत चक्रदेव भट्टलाई तत्कालका लागि जिम्मेवारीबाट हटाएको छ। सशस्त्र प्रहरी बल नेपाल नम्बर ३४ गण कैलालीका प्रमुख एसपी खुमबहादुर केसीसँग भएको विवादबारे बुझ्न उहाँलाई त्रिपुरेश्वरस्थित विभागमा हाजिर हुन पत्राचार गरिएको छ। अर्थमन्त्री डा.

स्वर्णिम वाग्लेको निजी सचिवालयले पनि यो जानकारी दिएको छ। कञ्चनपुर भन्सारबाट जाँचपास भएको भारतीय नम्बरको एउटा गाडी सशस्त्र प्रहरीले अत्तरियाबाट नियन्त्रणमा लिएपछि दुई अधिकारीबीच विवाद भएको थियो। एसपी केसीले न्यून बिजकीकरणको आशङ्कामा गाडी रोकिएको बताउनुभएको थियो।

गाडी नछोडे गृहमन्त्रीदेखि प्रहरी महानिरीक्षकसम्म फोन गर्ने भन्दै भट्टले दबाब दिएको भनिएको अडियो सार्वजनिक भएको थियो। विभागका अनुसार उहाँमाथि हालसम्म कुनै अन्तिम कारबाही गरिएको छैन। कसैलाई दोषी वा निर्दोष ठहर गर्ने निष्कर्ष पनि विभागले सार्वजनिक गरेको छैन।

थप बुझाइपछि आवश्यक प्रक्रिया अघि बढाइने विभागको भनाइ छ।