विदुरलाई नयाँ आर्थिक केन्द्र बनाउने पुनर्निर्माण प्रस्ताव, चीनसँग सहकार्यको छलफल

भोटेकोशी बाढीपछिको पुनर्निर्माणमा सरकार र दातृ निकायलाई परामर्श दिँदै आएका एक विज्ञले नुवाकोटको विदुरलाई नयाँ आर्थिक केन्द्रका रूपमा विकास गर्न दीर्घकालीन नीति लिनुपर्ने बताएका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार उक्त बाढीले रसुवा र नुवाकोटसहित पाँच जिल्लामा सबैभन्दा धेरै क्षति पुर्‍याएको छ। प्राधिकरण र राष्ट्रिय योजना आयोगको प्रारम्भिक क्षति तथा आवश्यकता मूल्याङ्कनअनुसार क्षतिग्रस्त संरचनाको पुनर्निर्माण र पुनर्स्थापनाका लागि करिब ७ खर्ब २३ अर्ब रुपैयाँभन्दा बढी रकम चाहिन्छ।

सोही अध्ययनले साढे ७ हजारभन्दा बढी घर र करिब १३ वटा जलविद्युत् आयोजनामा क्षति पुगेको देखाएको छ।