नेपाली कांग्रेसको केन्द्रीय समिति बैठक सुरु भएको छ। देउवा पक्षका नेताहरू सानेपा पुगेका छन्। निवर्तमान पदाधिकारीलाई समावेश गर्ने निर्णय भएको छ।

नेपाली कांग्रेसको केन्द्रीय कार्यसमिति बैठक सानेपास्थित केन्द्रीय कार्यालयमा सुरु भएको छ। बैठकमा निवर्तमान सभापति शेरबहादुर देउवा पक्षका नेताहरू सहभागी भएका छन्। सभापति गगन थापा नेतृत्वको केन्द्रीय कार्यसम्पादन समितिले चौधौँ महाधिवेशनबाट निर्वाचित केन्द्रीय सदस्यलाई विशेष महाधिवेशनबाट आएका सदस्यसरह मान्यता दिने निर्णय गरेको छ।

यस निर्णयपछि असन्तुष्ट पक्षका नेताहरू मूलधारको बैठकमा फर्किएका हुन्। बैठकमा महालक्ष्मी उपाध्याय डिना, मीनबहादुर विश्वकर्मा, ज्ञानेन्द्रबहादुर कार्की, रामहरि खतिवडा, नैनसिंह महरलगायतका नेताहरू उपस्थित भएका छन्। नेता मीनबहादुर विश्वकर्माले पन्ध्रौँ महाधिवेशनलाई एकताको महाधिवेशन बनाउन सबै तहबाट पहल गर्नुपर्ने बताउनुभएको छ।

दुवै पक्षका शीर्ष नेताहरू एउटै मञ्चमा उपस्थित भएपछि पार्टीभित्रको अन्योल हटेको छ।