नेपालमा गिद्धको सङ्ख्या बढ्न थालेको छ। दक्षिण एसियामै नेपालले ऐतिहासिक सफलता पाएको हो। बासस्थान संरक्षण र सुरक्षित आहारले सङ्ख्या बढेको छ।

नेपाल लोपोन्मुख गिद्धको सङ्ख्या बढाउन सफल दक्षिण एसियाकै पहिलो देश बनेको छ। बासस्थान संरक्षण, सुरक्षित आहार र हानिकारक औषधिको नियन्त्रणले गिद्धको सङ्ख्या बढेको हो। पशु उपचारमा प्रयोग हुने डाइक्लोफेनेक औषधिका कारण विगतमा गिद्धको सङ्ख्या घटेको पुष्टि भएको थियो।

नेपाल, भारत र पाकिस्तानले उक्त औषधिको प्रयोगमा पूर्ण प्रतिबन्ध लगाएका थिए। जटायु रेस्टुरेन्टमार्फत सुरक्षित आहार उपलब्ध गराएपछि गिद्ध संरक्षणमा थप सहयोग पुगेको छ। प्रजनन् सफलता र सुरक्षित वातावरणले गर्दा नेपालमा गिद्ध संरक्षणको अभियानले ऐतिहासिक उपलब्धि हासिल गरेको छ।