गृह मन्त्रालयमा प्रशासनिक फेरबदल: चार सीडीओसहित पाँच सहसचिव र तीन उपसचिवको सरुवा

गृह मन्त्रालयले राजपत्राङ्कित प्रथम र द्वितीय श्रेणीका आठ जना अधिकृतको सरुवा तथा पदस्थापना गरेको छ। सरुवा हुनेमा पाँच सहसचिव र तीन उपसचिव छन्।

मन्त्रालयको २०८३ असोज १२ गते सोमबारको निर्णयअनुसार चार प्रमुख जिल्ला अधिकारी (सीडीओ) पनि सरुवा भएका छन्। यससँगै केही जिल्लाका सीडीओ फेरिएका छन् भने केहीलाई मन्त्रालयमा तानिएको छ।

सरुवा सूचीअनुसार सहसचिव विनु बज्राचार्य कुँवरलाई गृह मन्त्रालयमा ल्याइएको छ। त्यस्तै, सहसचिव शान्तिराज प्रसाईंलाई जिल्ला प्रशासन कार्यालय सिरहाको जिम्मेवारी दिइएको छ।

रामेछापका प्रमुख जिल्ला अधिकारी पनि यस पटकको सरुवामा परेका छन्।