रियाद विमानस्थल नजिक आगलागी, उडान अवरुद्ध

साउदी अरबको राजधानी रियादको अन्तर्राष्ट्रिय विमानस्थल नजिकै शनिबार आगोको ज्वाला र कालो धुवाँ देखिएपछि त्यहाँको उडान तथा अवतरण सेवा अवरुद्ध बनेको छ। रियाद किङ खालिद इन्टरनेसनल एअरपोर्टमा विमान उडान र अवतरण रोकिएको वा ढिलो भएको सुरक्षा अनुगमन गर्ने वेबसाइटले जनाएको छ। फ्लाइटरडार–२४ नामक वेबसाइटले विमानस्थलमा ठूला समस्या देखिएको उल्लेख गर्दै यसलाई अधिकतम अवरोध सूचकाङ्कमा सूचीबद्ध गरेको छ।

यसअघि साउदी अधिकारीहरूले उक्त क्षेत्रमा हवाई आक्रमणको चेतावनी जारी गरेका थिए। विमानस्थल नजिकै साउदी तेल कम्पनी अरामकोको लोगो अङ्कित इन्धन ट्याङ्कीमा लागेको आगो निभाउन दमकलकर्मी खटिएको घटनास्थल पुगेका समाचार संस्था एएफपीका पत्रकारले बताएका छन्। छिमेकी यमनमा यस महिना लडाइँ तीव्र भएपछि साउदी अधिकारीहरूले रात्रिकालीन हवाई आक्रमणको चेतावनी जारी गरेका थिए र यस्तो चेतावनी पहिलो पटक आएको हो।

विमानस्थलको अवरोध सोही चेतावनी जारी भएको केही घण्टापछि देखिएको छ।