मध्यपूर्व युद्धपछि पहिलोपटक विदेशी वायुसेवाको व्यावसायिक उडान इरानमा

अमेरिकाले दिएको विशेष छुटपछि इराकको राष्ट्रिय वायुसेवाको यात्रुवाहक विमान बिहीबार तेहरान पुगेको छ। मध्यपूर्वमा युद्ध सुरु भएयता इरानमा अवतरण गर्ने यो पहिलो विदेशी व्यावसायिक उडान हो। इरानी सरकारी टेलिभिजनका अनुसार इराकको नजफबाट उडेको विमान बिहान इमाम खोमेनी अन्तर्राष्ट्रिय विमानस्थलमा सुरक्षित अवतरण गरेको छ।

यात्रुसहित तेहरान आएको उक्त विमान पुनः नजफ फर्किने गरी सेवा सञ्चालन गरिएको छ। इराकी अधिकारीका अनुसार यो छुट मुख्यतः शिया मुस्लिमको पवित्र स्थल नजफ र इरानबीच तीर्थयात्री ओसार्न दिइएको हो। इराकको यातायात मन्त्रालयले गत महिना नै अमेरिकाबाट यस्तो छुट पाइएको जानकारी दिएको थियो।