भोटेकोशी बाढी: ४३० मेगावाट बिजुली प्रणालीबाट बाहिर

रसुवाको भोटेकोशी नदीमा आएको बाढीले जलविद्युत् आयोजनामा क्षति पुर्‍याउँदा करिब ४३० मेगावाट बिजुली राष्ट्रिय प्रसारण प्रणालीबाट बाहिरिएको छ। त्रिशूली करिडोर हुँदै काठमाडौंको बालाजु र चपलीसम्म आउने बिजुली रोकिएको छ। ऊर्जा, जलस्रोत तथा सिँचाइ मन्त्रालयले विकल्प खोज्ने काम सुरु गरेको छ।

हिउँदमा बिजुलीको सङ्कट टार्न भूमिगत ग्रिड विस्तार गर्ने तयारी पनि भएको छ। उज्यालो नेपाल पार्टीका अध्यक्ष कुलमान घिसिङले लोडसेडिङ हुँदैन भनेर घोषणा गर्नु मात्र पर्याप्त नहुने बताएका छन्। उनले वैकल्पिक प्रसारण र आपूर्ति व्यवस्थापनमा आजैदेखि ठोस काम थाल्न सरकारसँग आग्रह गरेका छन्।

परराष्ट्रमन्त्री शिशिर खनालले बाढीपछिको पुनर्निर्माणमा सहयोग गर्न अन्तर्राष्ट्रिय समुदायले चासो देखाएको बताएका छन्।