शरद् ऋतुमा १८ हिमाल आरोहणका लागि ६३७ जनाले अनुमति लिए, २३ करोड ८५ लाख राजस्व

सन् २०२६ को शरद् ऋतुमा नेपालका १८ वटा हिमाल चढ्नका लागि ६३७ जना आरोहीले अनुमति लिएका छन्।

पर्यटन विभागका अनुसार यस ऋतुमा विभिन्न हिमाल आरोहणका लागि ६८ वटा टोलीका ६३७ जना आरोहीले अनुमतिपत्र लिएका हुन्।

शरद् ऋतुमा दिइएको हिमाल आरोहण अनुमतिबाट सरकारले २३ करोड ८५ लाख रुपैयाँ राजस्व सङ्कलन गरेको छ।

वसन्त ऋतुपछि शरद् ऋतुलाई हिमाल आरोहणको अर्को प्रमुख मौसमका रूपमा लिइन्छ। पर्यटन विभागले शरद् ऋतुका लागि अनुमति लिने टोली र आरोहीको विवरण सार्वजनिक गरेको हो।