गाँजाको औषधीय र औद्योगिक प्रयोगका लागि तीन महिनाभित्र नियम बनाउन सर्वोच्चको परमादेश

सर्वोच्च अदालतले गाँजाको औषधीय, वैज्ञानिक तथा औद्योगिक प्रयोजनका लागि नियन्त्रित खेती र उत्पादनको व्यवस्था मिलाउन सरकारका नाममा परमादेश जारी गरेको छ।

परमादेशमा सरकारलाई तीन महिनाभित्र आवश्यक नियमावली, मापदण्ड र कार्यविधि तर्जुमा गरी कार्यान्वयन गर्न भनिएको छ।

अदालतको आदेशअनुसार गाँजाको खेती र औद्योगिक उत्पादनलाई नियमन गर्ने गरी सरकारले यसको कानुनी व्यवस्था तयार गर्नुपर्नेछ। यस्तो व्यवस्था औषधीय, वैज्ञानिक र औद्योगिक प्रयोजनका लागि मात्र हुनेछ।

सर्वोच्चको आदेशपछि सरकारले तोकिएको तीन महिनाको अवधिभित्र नियम, मापदण्ड र कार्यविधि बनाएर लागू गर्नुपर्नेछ।