सहकारीका मुद्दा छिटो टुंग्याउन जिल्ला अदालतहरूमा 'समर्पित इजलास' गठन गरिने

सहकारी पीडितलाई छिटो न्याय दिन र सहकारी कसुरसम्बन्धी मुद्दा चाँडो टुंग्याउन जिल्ला अदालतहरूमा 'समर्पित इजलास' गठन गरिने भएको छ।

निर्णयअनुसार सहकारीसम्बन्धी मुद्दा एक सयभन्दा बढी भएका जिल्ला अदालतमा समर्पित इजलास गठन गरिनेछ। यसको उद्देश्य त्यस्ता मुद्दाको सुनुवाइ एकै ठाउँमा केन्द्रित गरी छिटो फैसला गर्नु हो।

सहकारी मुद्दा एक सयभन्दा कम भएका अदालतमा पनि छुट्टै समूह बनाएर ती मुद्दाको सुनुवाइलाई प्राथमिकता दिइने निर्णय भएको छ।

सहकारी क्षेत्रमा बचत फिर्ता नपाएका पीडितका मुद्दाहरू विभिन्न जिल्ला अदालतमा विचाराधीन छन्। नयाँ व्यवस्थाले यस्ता मुद्दाको सुनुवाइ छिटो हुने अपेक्षा गरिएको छ।