दसैँमा सशस्त्र प्रहरीको निःशुल्क बस सेवा, दुई दिनमा एक हजारभन्दा बढी यात्रुले सेवा लिए

सशस्त्र प्रहरी बल, नेपालले दसैँलाई लक्षित गरी काठमाडौँ उपत्यकामा सञ्चालन गरेको निःशुल्क बस सेवामार्फत दुई दिनमा एक हजारभन्दा बढी यात्रुले सेवा लिएका छन्।

सशस्त्र प्रहरीले सोमबारदेखि लगातार तीन दिनसम्म बिहान ८ बजेदेखि बेलुकी ६ बजेसम्म दुईवटा बस निःशुल्क सञ्चालन गर्ने व्यवस्था मिलाएको छ।

दसैँका बेला उपत्यकामा आवतजावत गर्ने यात्रुको सुविधाका लागि यो सेवा सञ्चालन गरिएको हो। तपाईं पनि सेवा सञ्चालन अवधिभित्र यी बस प्रयोग गर्न सक्नुहुन्छ।