सन् २०२६ को नोबेल शान्ति पुरस्कार दक्षिण अफ्रिकी कानुनविद् नवी पिल्लेलाई

सन् २०२६ को नोबेल शान्ति पुरस्कार दक्षिण अफ्रिकी कानुनविद् नवी पिल्लेलाई प्रदान गरिने भएको छ। नर्वेजियन नोबेल समितिले शुक्रबार ओस्लोमा यो घोषणा गरेको छ। समितिका अनुसार रङ्गभेदविरुद्धको संघर्ष र शान्ति तथा अन्तर्राष्ट्रिय कानुनको प्रवर्द्धनमा योगदान दिएबापत उहाँलाई यो सम्मान दिइएको हो।

युद्ध अपराध, मानवताविरुद्धका अपराध र नरसंहारका दोषीलाई कानुनको दायरामा ल्याउन उहाँको भूमिका महत्त्वपूर्ण रहेको समितिले जनाएको छ। डर्बनमा भारतीय तमिल मूलको परिवारमा जन्मनुभएकी पिल्लेले वकालतको सुरुवाती दिनमा नेल्सन मण्डेलालगायत रङ्गभेदविरोधी नेताको पक्षमा बहस गर्नुभएको थियो। पछि उहाँ दक्षिण अफ्रिकाको उच्च अदालत, रुवान्डासम्बन्धी अन्तर्राष्ट्रिय फौजदारी न्यायाधिकरण र अन्तर्राष्ट्रिय फौजदारी अदालतमा न्यायाधीश बन्नुभयो।

उहाँ संयुक्त राष्ट्रसङ्घको मानवअधिकार उच्चायुक्त पनि रहिसक्नुभएको छ। हालसालै उहाँले कब्जा गरिएको प्यालेस्टिनी भूभागसम्बन्धी राष्ट्रसङ्घीय छानबिन आयोगको अध्यक्षता गर्नुभएको थियो। अमेरिकी राष्ट्रपति डोनाल्ड ट्रम्पले यो पुरस्कारमा आफ्नो दाबी सार्वजनिक रूपमा गर्दै आएका थिए।