लगातार तेस्रो दिन घट्यो सुनको मूल्य, तीन दिनमा तोलामा ७ हजार रुपैयाँ कम

सुनचाँदीको मूल्य लगातार तेस्रो दिन पनि घटेको छ। नेपाल सुनचाँदी व्यवसायी महासंघका अनुसार बुधबार सुनको मूल्य तोलामा २ हजार ७ सय रुपैयाँ घटेको छ।

यससँगै सुन प्रतितोला २ लाख ८९ हजार ५ सय रुपैयाँमा किनबेच भइरहेको छ। बुधबार चाँदीको मूल्य पनि तोलामा १०० रुपैयाँ घटेको महासंघले जनाएको छ।

यसअघि मंगलबार सुनको मूल्य तोलामा २ हजार २ सय रुपैयाँ घटेको थियो। विगत तीन दिनमा सुनको मूल्य तोलामा कुल ७ हजार रुपैयाँ घटेको छ।