बाढीले विद्युत् प्राधिकरणलाई ७४ अर्बको क्षति

भोटेकोशी नदीको बाढीले नेपाल विद्युत् प्राधिकरणलाई करिब ७४ अर्ब रुपैयाँ बराबरको क्षति पुगेको छ। माथिल्लो त्रिशूली थ्री बी हबसहित धेरै जलविद्युत् आयोजना र प्रसारण संरचना ध्वस्त भएका छन्। यसबाट सयौँ मेगावाट बिजुली राष्ट्रिय प्रणालीबाट बाहिरिएको छ।

असोज ९ गतेदेखिको अविरल वर्षाले विभिन्न ठाउँमा थप संरचना बिगारेको प्राधिकरणले सोमबार पत्रकार सम्मेलनमा जनाएको छ। अवरुद्ध विद्युत् सेवा मङ्गलबारसम्म देशभर सुचारु गर्ने प्राधिकरणको लक्ष्य छ। राहुघाट जलविद्युत् आयोजना भने फेरि चल्न १० दिन लाग्ने छ।

उत्पादन घटेकाले हिउँदको माग धान्न पुस २०८३ देखि वैशाख २०८४ सम्मको सुक्खा याममा भारतबाट १ हजार १५४ मेगावाटसम्म बिजुली आयात गर्ने योजना बनाइएको छ।