तनहुँमा कृषि आधुनिकीकरण कार्यक्रमका जोनमार्फत तरकारी र धान खेतीको क्षेत्रफल बढ्दै

तनहुँमा व्यावसायिक तरकारी र धान खेतीको क्षेत्रफल बढ्दै गएको छ। राष्ट्रिय कृषि आधुनिकीकरण कार्यक्रमअन्तर्गत चलिरहेका तरकारी र धान जोनमार्फत खेती गरिने क्षेत्रफल बढेको हो।

जिल्लामा विस्तार भइरहेका यी जोनबाट झन्डै चार हजार किसान लाभान्वित भएका छन्।

कार्यक्रमले किसान, सहकारी, कृषक समूह र कृषि उद्यमीलाई समेटेको छ। यसले उत्पादनलाई व्यावसायिक बनाउन र कृषि क्षेत्रमा लागेका जनशक्तिलाई सङ्गठित गर्न सहयोग पुग्ने अपेक्षा गरिएको छ।

तरकारी र धान दुवै बालीमा जोनमार्फत काम हुँदा तनहुँमा परम्परागत खेतीको ठाउँमा व्यावसायिक खेती बढ्दै गएको स्रोतहरूले जनाएका छन्।