भारतले नेपालका लागि नयाँ राजदूतमा सुधाकर दलेलाको नाम प्रस्ताव गर्‍यो

भारतले नेपालका लागि नयाँ राजदूतमा सुधाकर दलेलाको नाम प्रस्ताव गरेको छ। नियुक्तिका लागि भारतले एग्रिमो पठाएको हो।

तत्कालीन राजदूत नवीन श्रीवास्तवको कार्यकाल पूरा भएपछि भारतले उनको स्थानमा वरिष्ठ कूटनीतिज्ञ दलेलालाई प्रस्ताव गरेको हो।

दलेलासँग तीन दशकभन्दा लामो कूटनीतिक सेवाको अनुभव छ। हाल उनी भारतको आर्थिक कूटनीति, ग्लोबल साउथका देशहरूसँग विकास साझेदारी, अफ्रिकासँगको साझेदारी, बहुपक्षीय आर्थिक सम्बन्ध तथा नयाँ र उदाउँदा रणनीतिक प्रविधिसम्बन्धी विषयहरू हेर्छन्।

यसबारे नेपाल लाइभ, बिजमाण्डू, रातोपाटी र अनलाइनखबरले समाचार प्रकाशित गरेका छन्।