मलेसियाले कात्तिक १९ (नोभेम्बर ५) देखि नयाँ प्रणालीबाट नेपाली कामदार लैजाने

मलेसियाले नोभेम्बर ५ देखि नेपालबाट कामदार भर्ना गर्न नयाँ प्रणाली लागू गर्ने भएको छ। मलेसिया सरकारका तर्फबाट विदेशी कामदार भर्ना प्रणाली सञ्चालन गर्ने कम्पनी बेस्टिनेटले मंगलबार अर्थात् अक्टोबर ६ मा जारी गरेको परिपत्रमा यो व्यवस्था उल्लेख छ। मलेसियाको मानव संसाधन मन्त्रालयको पत्रका आधारमा मिति तोकिएको र मेडिकल सेन्टर तथा म्यानपावर एजेन्सीलाई जानकारी दिइएको कम्पनीले जनाएको छ।

विदेशी कामदार केन्द्रीकृत व्यवस्थापन प्रणाली अर्थात् एफडब्लुसीएमएसअन्तर्गत नेपालबाट हुने भर्ना २५ वटा प्रमुख भर्ना एजेन्सी र २५० सहायक एजेन्सी गरी २७५ एजेन्सीको सञ्जालमार्फत हुनेछ।