गृहमन्त्री गुरुङ र भारतीय गृहमन्त्री शाहबीच नयाँदिल्लीमा भेटवार्ता

गृहमन्त्री सुधन गुरुङ र भारतका गृहमन्त्री अमित शाहबीच द्विपक्षीय भेटवार्ता भएको छ। भारतको नयाँदिल्लीमा आयोजित पहिलो बिमस्टेक गृहमन्त्रीस्तरीय बैठकका क्रममा दुई देशका गृहमन्त्रीबीच यो भेट भएको हो।

बिमस्टेक बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास हो। यस क्षेत्रीय संगठनअन्तर्गत गृहमन्त्रीस्तरमा भएको यो पहिलो बैठक हो।

बैठकमा गृहमन्त्री गुरुङले विपद् व्यवस्थापनका लागि बिमस्टेकमा संयुक्त कार्यदल बनाउन प्रस्ताव गरेका छन्। उनले बिमस्टेक क्षेत्रीय विपद् पूर्वतयारी तथा प्रतिकार्य रूपरेखा बनाउनुपर्नेमा पनि जोड दिए।

बिमस्टेक बैठकका क्रममा गृहमन्त्री गुरुङ र भारतीय गृहमन्त्री शाहबीच भएको भेटवार्ताबारे विभिन्न सञ्चारमाध्यमले समाचार प्रकाशित गरेका छन्।