संघीयता कार्यान्वयनमा संघ बाधक बनेको मुख्यमन्त्रीहरूको आरोप

मुख्यमन्त्रीहरूले संघीयता कार्यान्वयनमा संघ बाधक बनेको आरोप लगाएका छन्। एक सम्मेलनमा मुख्यमन्त्रीहरूले संघले 'हातखुट्टा बाँधेर दौडन भनेजस्तो' गरी प्रदेश संरचनालाई कमजोर बनाएको टिप्पणी गरे।

संविधान जारी भएको एक दशक बितिसक्दा पनि प्रदेश सरकारले प्रहरी परिचालन गर्न, कर्मचारी व्यवस्थापन गर्न र संविधानले दिएका अधिकार पूर्ण रूपमा उपयोग गर्न नपाएको उनीहरूको भनाइ छ।

हातखुट्टा बाँधिएको अवस्थामा प्रदेशले काम गरेनन् भन्न नमिल्ने विषयमा मुख्यमन्त्रीहरू एकस्वरमा देखिएका थिए।

सम्मेलनमा अब गुनासोमा मात्र सीमित नभई अन्तरप्रदेश सहकार्य र साझा लगानीतर्फ अघि बढ्नुपर्ने विषय पनि उठेको थियो।