प्रधानमन्त्री दैवीप्रकोप उद्धार कोषमा १८ अर्बभन्दा बढी, प्रभावित स्थानीय तहलाई २४ करोड ५० लाख मात्र निकासा

प्रधानमन्त्री दैवीप्रकोप उद्धार कोषमा पर्याप्त रकम मौज्दात रहे पनि भोटेकोशी तथा कालीगण्डकी करिडोरका विपद् प्रभावित क्षेत्रमा न्यून रकम मात्र निकासा भएको छ।

कोषमा सवा १८ अर्ब रुपैयाँ मौज्दात रहेको छ भने विपद् प्रभावित स्थानीय तहलाई जम्मा २४ करोड ५० लाख रुपैयाँ मात्र निकासा भएको हो।

भोटेकोशी तथा कालीगण्डकी करिडोर विपद्सम्बन्धी अध्ययन तथा अनुगमन संसदीय विशेष समितिले कोषमा जम्मा भएको रकम र खर्चको विस्तृत विवरण मागेको छ।

यसअघि अर्थ मन्त्रालयका सचिव डा. घनश्याम उपाध्यायले भोटेकोशी तथा कालीगण्डकी करिडोर क्षेत्रमा छिट्टै पुनर्निर्माणको काम अघि बढाइने बताएका थिए।