अमेरिकी निर्भरता घटाउन क्यानडा–युरोपेली सङ्घ सहकार्य

अमेरिकी राष्ट्रपति डोनाल्ड ट्रम्पको व्यापार नीतिको दबाबबीच क्यानडाले युरोपेली सङ्घसँग व्यापार, रक्षा र आर्थिक सहकार्य बढाउने पहल गरेको छ। मोन्ट्रियलमा आयोजित शिखर सम्मेलनमा युरोपेली परिषद्का अध्यक्ष एन्टोनियो कोस्टा र युरोपेली आयोगकी अध्यक्ष उर्सुला भोन डेर लेयन सहभागी हुँदै हुनुहुन्छ। सम्मेलनमा प्रविधि, अनुसन्धान र महत्त्वपूर्ण खनिजमा पनि सहकार्य बढाउने प्रस्ताव छ।

क्यानडालाई सङ्घको 'सहयोगी सदस्य' बनाउने प्रस्तावप्रति भने फ्रान्स र जर्मनीसहित केही सदस्य राष्ट्र असन्तुष्ट छन्। प्रधानमन्त्री मार्क कार्नीले साझेदारीलाई के नाम दिइन्छ भन्दा पनि नागरिक, व्यवसायी र अनुसन्धानकर्ताले पाउने अवसर ठूलो कुरा भएको बताउनुभएको छ। ट्रम्पले यो सम्बन्धलाई 'शत्रुतापूर्ण कार्य' मान्न सकिने र जरुरी परे युरोपमाथि भन्सार शुल्क लगाउने चेतावनी दिनुभएको थियो।

क्यानडाली अधिकारीहरूले भने यो सहकार्य अमेरिकाविरुद्ध नभई साझा हितका लागि भएको जनाएका छन्।