इरानमाथि सम्भावित आक्रमणबीच पेन्टागनका योजना अधिकारी हटाइए, भान्सको वार्ता पहल

इरानमाथि फेरि आक्रमण गर्ने विकल्पबारे अमेरिकाले विचार गरिरहेका बेला पेन्टागनमा योजना हेर्ने लेफ्टिनेन्ट जनरल ब्रेट सिल्भियालाई युद्धमन्त्री पीट हेग्सेथले पदमुक्त गर्नुभएको छ। सीएनएनका अनुसार संयुक्त चिफ्स अफ स्टाफमा रणनीति, योजना र नीति निर्देशकको जिम्मेवारीमा रहनुभएका सिल्भियालाई हटाउनुको कारण खुलाइएको छैन। हेग्सेथले यसअघि नौसेना सचिव जोन फेलान, सेनाध्यक्ष जनरल र्‍यान्डी जर्ज, जनरल डेभिड होडन तथा साइबर कमान्ड र राष्ट्रिय सुरक्षा एजेन्सी सम्हालेका जनरल टिमोथी हगलाई पनि हटाउनुभएको थियो।

इरान द्वन्द्वबारे जर्ज र हेग्सेथबीच मतभेद रहेको विवरण बाहिर आएको थियो। यसैबीच, 'द वाल स्ट्रिट जर्नल' का अनुसार उपराष्ट्रपति जेडी भान्सले वार्ता फेरि सुरु गराउने उद्देश्यले इरानी सर्वोच्च राष्ट्रिय सुरक्षा परिषद्का सचिव मोहसिन रेजाईलाई पत्र लेख्नुभएको छ। राष्ट्रपति डोनाल्ड ट्रम्पले पत्रको पुष्टि गर्दै त्यो चिकित्सा सामग्री पुर्‍याउनेसम्बन्धी रहेको बताउनुभएको छ।

ट्रम्पले नोभेम्बर ३ को मध्यावधि निर्वाचनपछि थप सैन्य कदमको विकल्प खुला रहेको बताउँदै आउनुभएको छ। उता, इरानका सर्वोच्च नेता अयातुल्ला सैयद मोजताबा खमेनीले क्षेत्रमा लम्बिएको 'न युद्ध न शान्ति' को स्थिति टुङ्ग्याउनुपर्ने बताउनुभएको छ।