प्रहरी पहरा हटेपछि एमाले कार्यालयमा नयाँ सुरक्षा व्यवस्था

सरकारले सुरक्षाकर्मी फिर्ता बोलाएपछि नेकपा एमालेको ललितपुर च्यासलस्थित केन्द्रीय कार्यालय असुरक्षित भएको एमाले नेताहरूले बताएका छन्। कार्यालयमा चौबीसै घण्टा खटिने प्रहरीलाई गत असोज २६ गते बिहान फिर्ता बोलाइएको थियो। भवन र कम्पाउन्डको बनोटका कारण पर्खालबाट मानिस सजिलै भित्र छिर्न सक्ने समस्या रहेको एमाले प्रचार विभाग प्रमुख निरज आचार्यले बताउनुभएको छ।

२०८२ भदौ २४ गते जेनजी आन्दोलनका क्रममा यही कार्यालयमा आगजनी भएकाले पनि पार्टी त्रसित भएको हो। आगजनीमा बिग्रिएको भवन पुनर्निर्माण गरेर फेरि चलाउन थालिएको थियो।