कांग्रेस सभापतिमा तीनजना, दुई पद निर्विरोध

नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि मनोनयन दर्ता मंगलबार साँझ सकिएको छ। सभापति पदमा वर्तमान सभापति गगनकुमार थापासँग श्यामकृष्ण खड्गी र किशोरसिंह राठौरले प्रतिस्पर्धा गर्ने भएका छन्। वरिष्ठ उपसभापतिमा विश्वप्रकाश शर्मा र महिला उपसभापतिमा पुष्पा भुसालको मात्र उम्मेदवारी परेकाले दुवै निर्विरोध निर्वाचित भएका छन्।

खुला उपसभापतिमा ९ जना र महामन्त्रीमा ११ जनाले दाबी गरेका छन्। विधान संशोधनपछि पार्टीले महामन्त्रीको एउटा पद पहिलोपटक महिलाका लागि सुरक्षित गरेको छ। निर्वाचन समितिको अन्तिम नामावलीअनुसार ७ हजार २ सय ५५ महाधिवेशन प्रतिनिधिले नयाँ नेतृत्व छान्ने छन्।