बाढीपहिरोका कारण गुल्मीका २३१ घर उच्च जोखिममा

अविरल वर्षासँगै आएको बाढीपहिरोका कारण गुल्मी जिल्लाका विभिन्न स्थानीय तहका २३१ घर उच्च जोखिममा परेका छन्।

जिल्ला प्रहरी कार्यालय गुल्मीले यो विवरण सार्वजनिक गरेको हो। प्रहरीका अनुसार जोखिममा परेका केही परिवार आफन्तकहाँ आश्रय लिइरहेका छन्।

पछिल्ला दिनमा परेको निरन्तर वर्षाका कारण जिल्लाका विभिन्न स्थानमा बाढी र पहिरोको जोखिम बढेको हो। जोखिममा परेका घरहरू जिल्लाका विभिन्न स्थानीय तहमा रहेका छन्।

देशका विभिन्न भागमा चार दिनदेखि परेको अविरल वर्षाले बाढी, पहिरो र डुबानका घटना निम्त्याएको छ। मौसममा सुधार आउन थाले पनि जमिन भिजिसकेकाले पहिरोको जोखिम तत्काल नहट्ने भन्दै सतर्कता अपनाउन आग्रह गरिएको छ।