स्वास्थ्यकर्मी सुरक्षासम्बन्धी विधेयकमाथि विचार गर्ने प्रस्ताव प्रतिनिधिसभाबाट सर्वसम्मत स्वीकृत

प्रतिनिधिसभाले ‘स्वास्थ्यकर्मी तथा स्वास्थ्य संस्थाको सुरक्षासम्बन्धी (दोस्रो संशोधन) विधेयक, २०८३ माथि विचार गरियोस्’ भन्ने प्रस्ताव सर्वसम्मतिले स्वीकृत गरेको छ। सोमबार बसेको प्रतिनिधिसभा बैठकले उक्त प्रस्ताव स्वीकृत गरेको हो।

यो विधेयक स्वास्थ्यकर्मी तथा स्वास्थ्य संस्थाको सुरक्षासम्बन्धी ऐनलाई संशोधन गर्न ल्याइएको हो।

बैठकमा सांसदहरूले स्वास्थ्यकर्मीको सुरक्षाका लागि कडा कानुन बनाउन माग गरेका थिए। स्वास्थ्यकर्मी र स्वास्थ्य संस्थाको सुरक्षा सुनिश्चित गर्नुपर्ने विषयमा सांसदहरूले आफ्ना धारणा राखेका थिए।

प्रस्ताव स्वीकृत भएसँगै अब प्रतिनिधिसभामा यो विधेयकमाथि विचार गरिने छ।