आज–भोलिको मौसम: पश्चिमी प्रदेशमा अति भारी वर्षाको सम्भावना, प्रमुख सहरको तापक्रम

जल तथा मौसम विज्ञान विभागले आज लुम्बिनी र गण्डकीका एक–दुई ठाउँमा अति भारी वर्षा हुनसक्ने पूर्वानुमान गरेको छ। विभागका अनुसार हाल देशभर मनसुनी वायुसँगै पश्चिमी वायुको आंशिक प्रभाव छ। भारतको उत्तर महाराष्ट्र र छत्तिसगढ आसपास रहेको बलियो न्यून चापीय प्रणाली उत्तर–उत्तरपश्चिमतर्फ सर्दै २४ घण्टाभित्र कमजोर हुने अनुमान छ।

आज कोशी, बागमती, गण्डकी, लुम्बिनी र कर्णालीका थोरै ठाउँमा भारीदेखि धेरै भारी पानी पर्न सक्छ। मधेश र कोशी, बागमती, गण्डकी तथा लुम्बिनीका तराई क्षेत्रमा हावाहुरी चल्ने सम्भावना छ। भोलि भने अति भारी वर्षाको जोखिम लुम्बिनी र सुदूरपश्चिमका एक–दुई ठाउँमा सर्ने विभागले जनाएको छ।

हिमाली भू-भागमा मेघगर्जन र चट्याङसहित वर्षा तथा हिमपात हुने अनुमान छ। प्रमुख सहरमध्ये पोखरामा वर्षाको सम्भावना १०० प्रतिशत र तापक्रम २३ देखि २५ डिग्री सेल्सियस रहने अनुमान छ। काठमाडौँमा वर्षाको ९० प्रतिशत सम्भावना र तापक्रम २० देखि २२ डिग्री रहनेछ।

नेपालगञ्जमा वर्षाको सम्भावना ८० प्रतिशत छ र तापक्रम २५ देखि २७ डिग्री रहनेछ। वीरेन्द्रनगरमा २४ देखि २६ डिग्री, विराटनगरमा २७ देखि २९ डिग्री र जनकपुरमा २५ देखि २७ डिग्री तापक्रम रहने विभागको पूर्वानुमान छ। विराटनगर र जनकपुरमा वर्षाको सम्भावना ६० प्रतिशत छ।