राष्ट्र बैंकको अध्ययन: उद्योगको सञ्चालन क्षमता भूकम्प र कोभिडपछिकै कमजोर अवस्थामा

नेपालका उत्पादनमूलक उद्योगले आफ्नो क्षमताको आधा पनि उपयोग गर्न सकेका छैनन्। नेपाल राष्ट्र बैंकको आर्थिक गतिविधि अध्ययन प्रतिवेदनअनुसार आर्थिक वर्ष २०८२/८३ को पहिलो छ महिनामा उद्योगहरूको औसत क्षमता उपयोग करिब ४२ प्रतिशतमा सीमित भएको छ। यो तह भूकम्प र कोभिडकालपछिकै सबैभन्दा कमजोर हो।

प्राकृतिक तथा मानवीय विपद्का अवधि बाहेक विगत एक दशकमा क्षमता उपयोग आधाभन्दा माथि रहेको प्रतिवेदनमा उल्लेख छ। बजारमा माग खुम्चिनु, जनसाङ्ख्यिक अवस्था र आयातित सामानसँगको प्रतिस्पर्धालाई यस गिरावटका मुख्य कारण मानिएको छ। राष्ट्र बैंकका अनुसार उद्योगको क्षमता उपयोग क्रमशः घट्दै गएको छ।