सेयर बजारमा डिम्याट खाता ८१ लाख नजिक, महिलाको सहभागिता बढ्दै

सिडिएस एन्ड क्लियरिङ लिमिटेड अर्थात् सीडीएससीको पछिल्लो तथ्याङ्कअनुसार देशमा खुलेका डिम्याट खाता झन्डै ८१ लाख पुगेका छन्। आईपीओ भर्न र सेयर व्यवस्थापन गर्न प्रयोग हुने मेरो सेयरमा करिब ७२ लाख जनाले खाता दर्ता गराएका छन्। तीमध्ये करिब ५१ लाख प्रयोगकर्ता सक्रिय रहेको सीडीएससीले जनाएको छ। सेयर बजारमा सूचीकृत करिब २० अर्ब कित्ता सेयरमध्ये अधिकांश डिम्याट स्वरूपमा रूपान्तरण भइसकेका छन्। लगानीकर्ता बढ्दै जाँदा सेयर बजारमा महिलाको सहभागिता पनि बढ्दै गएको छ।