पोखरा–मुग्लिन सडक स्तरोन्नति अन्तिम चरणमा, मझिमटारमा आज पनि २ घण्टा आवागमन बन्द

पृथ्वी राजमार्गअन्तर्गत पोखरा–मुग्लिन सडक स्तरोन्नतिको काम अन्तिम चरणमा पुगेको छ। आयोजना कार्यालयका अनुसार सडकको पश्चिम खण्ड (पोखरा–जामुने) को भौतिक प्रगति ८६ प्रतिशत पुगेको छ।

पृथ्वी राजमार्गअन्तर्गत धादिङको मझिमटारमा भने आज पनि दुई घण्टा सवारी आवागमन बन्द हुनेछ। बेनीघाट रोराङ गाउँपालिका–९ मझिमटारमा आकाशे पुल निर्माण र सडक स्तरोन्नतिको काम भइरहेकाले आवागमन रोकिएको हो।

यसबारे जिल्ला प्रशासन कार्यालय धादिङले सूचना जारी गरेको छ। हिजोदेखि मलेखु–मुग्लिन सडकखण्डको मझिमटारमा दैनिक दुई घण्टा गाडी रोकेर काम भइरहेको छ। यात्रुलाई सोहीअनुसार यात्राको योजना बनाउन आग्रह गरिएको छ।