युक्रेनको जापोरिजियामा रुसी हवाई आक्रमण, कम्तीमा २६ जनाको मृत्यु

युक्रेनको दक्षिणी जापोरिजिया क्षेत्रमा रुसी सेनाले गरेको हवाई आक्रमणमा परी कम्तीमा २६ जनाको मृत्यु भएको छ। आक्रमणमा पाँच जना घाइते भएका छन्।

रुसी सेनाले युक्रेनको एक राहत वितरण केन्द्रमा बम प्रहार गरेको थियो। आक्रमणपछि केही व्यक्ति भग्नावशेषमा परेको समाचारमा उल्लेख छ।

मृत्यु हुनेहरूको संख्या कम्तीमा २६ पुगेको बताइएको छ। रुस–युक्रेन युद्ध जारी रहेका बेला यो आक्रमण भएको हो।