एसियाडको महिला १० हजार मिटर दौडमा सन्तोषी ११औँ

जापानमा जारी २०औँ एसियाली खेलकुदको महिला १० हजार मिटर दौडमा नेपाली धाविका सन्तोषी श्रेष्ठ ११औँ स्थानमा सीमित हुनुभएको छ। नागोयास्थित मिजुहो पार्क एथलेटिक्स रङ्गशालामा बिहीबार भएको फाइनलमा उहाँले ३६ मिनेट २०.८४ सेकेन्डमा दौड पूरा गर्नुभएको हो। कुल १३ धाविका सहभागी स्पर्धामा उहाँ अन्तिमबाट तेस्रो स्थानमा रहनुभएको छ।

बहराइनकी विनफ्रेड याभीले स्वर्ण, जापानकी नोजोमी तनाकाले रजत र भारतकी सीमाले कांस्य पदक जितेका छन्। सन्तोषी आफ्नै राष्ट्रिय कीर्तिमान सुधार्ने लक्ष्य लिएर प्रतियोगितामा सहभागी हुनुभएको थियो। सन् २०२३ मा बनेको उहाँको कीर्तिमान ३४ मिनेट ३१ सेकेन्डको छ, जसभन्दा यसपटक झन्डै दुई मिनेट बढी समय लागेको छ।

यो नतिजासँगै एसियाडमा एथलेटिक्सतर्फ नेपालको पदक जित्ने सम्भावना पूरा हुन सकेको छैन। अब उहाँ आउँदो सोमबार हुने महिला ५ हजार मिटर दौडमा प्रतिस्पर्धा गर्नुहुनेछ।