बिजुलीको बिल मोबाइलबाटै तिर्ने प्रणाली सहज बनाउन ऊर्जामन्त्री श्रेष्ठको निर्देशन

ऊर्जा, जलस्रोत तथा सिँचाइमन्त्री विराजभक्त श्रेष्ठले बिजुलीको बिल मोबाइलबाटै डिजिटल रूपमा तिर्ने प्रणाली सहज बनाउन निर्देशन दिएका छन्।

मन्त्री श्रेष्ठले विद्युत महसुलको विद्युतीय भुक्तानी प्रणालीलाई व्यवस्थित रूपमा विस्तार गर्न नेपाल विद्युत प्राधिकरणलाई निर्देशन दिएका हुन्।

यो निर्देशनसँगै उपभोक्ताले विद्युत महसुल मोबाइलमार्फत डिजिटल रूपमा भुक्तानी गर्ने व्यवस्था थप सहज र व्यवस्थित बनाउने काम प्राधिकरणको जिम्मामा परेको छ।

मन्त्री श्रेष्ठले ऊर्जा, जलस्रोत तथा सिँचाइ मन्त्रालयको जिम्मेवारी सम्हालेको ६ महिना पूरा भएको छ।