मौसम खुलेसँगै पोखरामा पर्यटकीय गतिविधि फेरि सुरु, पर्यटन क्षेत्र खुला रहेको सन्देश

भोटेकोशी बाढी, लगातारको वर्षा र सडक अवरोधका कारण पोखरामा पर्यटक आगमन ठप्पप्रायः भएको छ। स्वदेशी तथा विदेशी पर्यटक नहुँदा सुनसान बनेको मुलुकको पर्यटकीय राजधानी पोखराले पर्यटन क्षेत्र खुला रहेको र पर्यटकको स्वागतका लागि तयार रहेको सन्देश दिएको छ।

चार दिनसम्म लगातार परेको वर्षापछि पोखराको मौसम खुलेसँगै पर्यटकीय गतिविधि पुनः चलायमान बन्न थालेको छ।

मौसम सफा भएपछि सोमबार पोखरामा हिमशृङ्खला अवलोकन र फेवातालमा नौकाविहारलगायतका पर्यटकीय गतिविधि भएका छन्।

वर्षा र बाढीपहिरोका कारण विभिन्न सडक अवरुद्ध हुँदा पोखरा आउजाउ गर्ने पर्यटकको संख्या घटेको थियो।