धादिङमा त्रिशूली किनारका सात झोलुङ्गे पुलको पुनर्निर्माण सुरु

धादिङमा भोटेकोशी नदीको बाढीले क्षति पुर्‍याएका सात वटा झोलुङ्गे पुलको मर्मत तथा पुनर्निर्माण सुरु भएको छ। बाढीले बस्तीको सम्पर्क टुटेको तीन सातापछि सस्पेन्सन ब्रिज डिभिजनले क्षतिग्रस्त पुललाई प्राथमिकतामा राखी निर्माण अघि बढाएको हो।

महेशदोभान मास्टर, चिरौंदी खोला, शीतलबजार–क्युरेनिटार, कालिकास्थान, मालिका–मधुवाटार दोभान, केउरेनी–गहते र फोसेटार झोलुङ्गे पुलको काम थालिएको छ। गल्छी–१ र ६ जोड्ने महेशदोभान मास्टर, सिद्धलेक–६ र गजुरी–१ जोड्ने कालिकास्थान तथा मालिका–मधुवाटार दोभान पुल असोज १७ गतेभित्र सम्पन्न गर्ने गरी सम्झौता भएको छ। चिरौंदी खोला, शीतलबजार–क्युरेनिटार, केउरेनी–गहते र फोसेटार पुलको काम असोज २६ गतेभित्र सक्ने लक्ष्य राखिएको छ।

पुल भत्किएपछि नदी वारपार गर्न नसक्दा किसानको उत्पादन खेतमै कुहिने अवस्था आएको छ। विद्यार्थी विद्यालय जान नपाउने समस्या पनि देखिएको छ।