सुरक्षा जोखिमका कारण रोकिएको विद्युतीय खरिद प्रणाली नयाँ संस्करणसहित पुनः सञ्चालनमा

सुरक्षा जोखिमका कारण रोकिएको विद्युतीय खरिद प्रणाली (ई–जीपी) नयाँ संस्करणमार्फत पुनः सञ्चालनमा आएको छ। सार्वजनिक खरिद अनुगमन कार्यालयले मंगलबार एक सूचना जारी गर्दै नयाँ प्रणाली सञ्चालनमा ल्याइएको जानकारी दिएको हो।

पुरानो प्रणालीमा उच्च सुरक्षा जोखिम देखिएको भन्दै सरकारले त्यसलाई बन्द गरेको थियो। प्रणाली बन्द भएपछि सरकारले कागजी प्रणालीमार्फत ठेक्का लगाउँदै आएको थियो।

अब सार्वजनिक निकायका खरिद तथा ठेक्का प्रक्रिया नयाँ संस्करणको विद्युतीय प्रणालीमार्फत सञ्चालन हुने भएका छन्। सार्वजनिक खरिद अनुगमन कार्यालयले जारी गरेको सूचनाअनुसार नयाँ प्रणाली आजदेखि नै प्रयोगमा ल्याइएको हो।

सार्वजनिक खरिदलाई पारदर्शी र सहज बनाउने उद्देश्यले सञ्चालनमा ल्याइएको विद्युतीय खरिद प्रणाली केही समयदेखि सुरक्षा कारणले बन्द रहँदा ठेक्का प्रक्रिया कागजी माध्यमबाट अघि बढाइएको थियो।